2013.12.27 古川市場 & 県立郷土館 (青森県)

12月27日朝早搭新幹線到青森與朋友會合，然後一齊到青森駅附近嘅古川市場食lunch。

古川市場係青森市民の台所『青森魚菜センター』，以「のっけ丼」最出名。食「のっけ丼」要先買食事券，有1000円& 500円兩種，分為十小張&五小張，每張面值100円，跟住買白飯，普通100円、大盛200円，然後去唔同嘅攤檔用食事券買自己鐘意嘅食材，要追加可再買食事券。

行咗一個圈，終於完成呢碗「のっけ丼」。

食飽喇就散吓步，當日氣溫大約五、六度。

行咗一陣就去青森県立郷土館睇睇，裏面展示咗青森市三内丸山遺跡嘅出土文物，基本入場料310円。

除咗郷土学習室之外，所有展示室都唔准影相。