2018.3.31 日本本州最東端魹ヶ崎 (岩手県)

 

由盛岡去宮古，搭巴士約兩個半鐘，因為311嘅影響，JR未能正常運作。

宮古市嘅トドヶ崎係日本最東端，因此要去拎張「本州最東端到達證明書」。

由於時間唔多，喺宮古駅逛下，食完午飯就走喇。

返到盛岡轉搭新幹線去八戶，喺八戶駅嘅ドトールコーヒー歎個春季限定嘅櫻花latte & 櫻花千層。

2018.3.30 日本本州最北端の下北駅 & 大間崎 (青森県)

中午到達日本本州最北端嘅大間崎，遊客唔多，影相無障礙。

影完相喺附近逛下，每間店鋪都標榜係最北呢。

大間崎最出名就係天然マグロ，其中有一條マグロ嘅雕像，按實物嘅大細雕造，好大條，厲害！

「大間マグロ」咁出名，因此午餐就食マグロうに二色丼。

因為観光案内所「大間崎レストハウス」呢段時間唔開，所以要行去大間町商工会館拎「本州最北端到達證明書」，沿途順便睇下風景。

日本本土四端只差南端未去，本州四端就差東西兩端未去，不過已經計畫好，2019年應該能夠完成。

原先本州最北嘅大畑駅喺2001已經廢線，大湊駅就成為最北。2011年10月下北駅開始營業，成為而家嘅最北駅，所以回程嘅時候特意經下北駅搭JR返歸。