2013.12.28 田沢湖 (秋田県)

離開青森，去到田沢湖駅接近五點，落車時見到駅長嘅新年祝福。

温泉旅館嘅迎送車未到，所以喺駅裏面逛逛，見到韓劇「IRIS」嘅介紹，2009年嘅劇集，喺田沢湖取景，咁耐仲有展覽，可見李炳憲魅力十足。

行出駅望吓，D舖頭收晒工。

今晚入住田沢湖高原温泉郷嘅「プラザホテル山麓荘」，有迎送專車，自己去嘅話可以喺田沢湖駅搭「乳頭温泉行きバス」，約45分鐘，喺杉谷地バス站落車，再徒歩2分鐘就到。「プラザホテル山麓荘」嘅買點係酵素風呂。

天寒地凍，入房放好行李，逛一陣就食晚餐。

食完晚餐就睇吓手信。

酒店安排咗表演，其他住客睇得好投入。

第二朝十點check out，周圍白雪紛飛，白茫茫嘅雪景非常靚，不過就凍到手腳僵硬。

酒店嘅迎送專車開7:30 & 8:30，太早喇，所以回程嘅時候就自行搭バス走，路上一片寂靜，好凍，幸好バス準時到達。

去到車站又匆匆忙忙趕往下一站。

2013.12.28 弘前城 (青森県)

12月28日上午搭JR到弘前，雖然好凍，但係天色非常好。

弘前城喺弘前公園裏面，由弘前駅行去約30分鐘，亦可以搭市內循環バス，約15分鐘，車費100円。弘前城本丸・北の郭は11月24日～3月31日の期間は入園無料。

韓劇「善良的男人」曾經喺弘前公園取景，公園內外都有介紹。

弘前公園係賞櫻名所，「弘前さくらまつり」非常出名。不過呢個時候係冬天，皚皚白雪，又另一番景象。

咁啱呢段時間城樓唔開放，所以無機會登城參觀，只好喺外圍影相。

中午趕搭車去秋田，買咗兩個飯團做午餐。

2013.12.27 「ねぶたの家 ワ・ラッセ」 (青森県)

12月27日下午參觀完県立郷土館就去青森市文化観光交流施設「ねぶたの家 ワ・ラッセ」睇「佞武多」，JR青森駅徒歩1分，入場料大人600円。

裏面展示咗ねぶた嘅歷史資料，仲有以前「青森佞武多祭」用過嘅ねぶた。

喺「ねぶたの家 ワ・ラッセ」外面都有啲相關嘅紮作展品。

跟住又去咗附近嘅青森県観光物産館買手信，啲蘋果汁非常鮮甜，100%純果汁，唔貴！

買完手信就去牛角食燒肉放題，一路行一路落大雪，凍到打冷震，可能只得兩三度。