2016.8.7 館鼻岸壁日曜日朝市 (青森県)

呢日又去八戸喇，除咗去八食センター食海鮮BBQ外，主要係去本八戸嘅朝市。

食完BBQ就搭車去本八戸。

附近嘅三八城公園裏面有個八戸城，不過未能入選100名城，而且天黑喇，所以唔行嚕。

天黑喇，行去八戸屋台村，原本打算喺みろく横丁食嘢，但係行咗一圈，食物唔吸引，所以無食喇。

8月7日朝早五點幾搭頭班車去陸奧湊，目的係行朝市。

朝市嘅營業時間係朝早五點至九點，六點未到已經好多人。

呢個日曜日朝市有好多嘢賣，一兜蟹有3隻，只係600円。

蔬菜水果只係賣一二百円。

又有自家製手工藝品。

連麵包都有，即場烤製。

車站裏面有魷魚風鈴，幾得意架。

2016.4.1 秋保温泉 (宮城県)

朝早離開函館朝市前先去食個海鮮丼，跟住買咗兩個「いかすみまん」。

下午到達秋保グランドホテル，旅館嘅賣點係佢嘅忍者設計。

仲有俾小朋友玩嘅忍者修行道場。

晚餐係陽だまり嘅自助餐，款式&味道一般啦。

餐廳門口有個自助泡茶コーナー，食飽可以同朋友坐低飲杯茶傾下偈，或者買啲飲品返房吹下水，リラックス下。

2016.3.30 八甲田「雪の回廊と温泉」ウォーク (青森県)

今日參加咗「八甲田・十和田ゴールドライン」冬季閉鎖後開通前嘅特別行山活動，喺谷地温泉區集合，人齊就出發喇。

起步時天色唔錯，點知越行越昏暗。

沿途景色唔錯架。

越行越落後，無晒人，天色又越來越差。

雪壁最高點係5.7米，由高處望落去，條迴廊又幾靚喎。

進入最後一段喇，不過勁大雨。

又凍又餓，經過咁靚嘅地獄沼都無心機睇囉。

到喇…到喇…終點站有熱湯派，喺呢一刻，相信呢碗湯係人間極品。

穿過雪路，到達休息站酸ヶ湯温泉，領取咗預訂嘅雪の回廊弁当，即刻開餐。

食飽就喺酸ヶ湯温泉逛下。

跟住就試下呢個千人混浴風呂，主辦單位安排咗半個鐘俾女士專用，唔駛混。

大約行咗三個鐘，完成8km嘅路程，拎埋證書，覺得自己都幾叻。