2015.8.12 根城 (青森県)

匆匆忙忙，嚟到八戸差唔多四點喇，趕快搭巴士去八戸博物館。

蓋完名城印就行去根城。

根城嘅範圍係一個公園，有唔同嘅入口。

堀跡應該係護城河嚟喇，乾晒囉。

唔夠時間行，離開嘅時候遇上熱心嘅ガイドさん，載我搭新幹線，啱啱好趕得切，真係唔該晒。

仲有時間買個便當，正！

2015.8.10 二本松城 (福島県)

到達二本松駅時已經四點幾喇，二本松駅都係100選嚟架。

由車站行去二本松城起碼半個鐘，沿路經過二本松神社。

其實已經進入城郭範圍。

要行呢條長命斜，喘晒氣。

終於到霞ヶ城公園喇。

二本松城就喺霞ヶ城裏面。

一入去就見到二本松少年隊雕像，佢哋係戊辰戦争嘅英雄。

仲要繼續上。

到咗箕輪門，城郭其中一個入口。

好大呀！再上。

原來霞ヶ城公園係日本の桜百選，睇吓張poster又真係幾靚喎。

洗心亭，做人的確係要洗滌心靈。

へえ！仲要上，唔得喇，趕唔切搭車喇，放棄咗，真失敗。

2015.8.10 白河小峰城 (福島県)

今日嘅行程好趕，經新白河駅轉去白河駅，目的地係小峰城。

原來白河駅都係100選，追完100城，下次嘅目標可以考慮吓駅100選。

到達城山公園入口，小峰城就喺裏面。

入到公園就見到大手門跡。

小峰城維修中，望吓張復原圖，應該幾靚嘅。

上山喇，向本丸進發，唔算好高，過埋桜門跡就到喇。

到喇，好空曠。

本丸跡位置。

多聞櫓跡。

三重櫓跡，入去睇睇。

大部份城樓內部設計都係差唔多。

上到頂層，睇咗一陣就要趕去下一站喇。