2018.12.27 鶴ヶ岡城 (山形県)

 

蓋鶴ヶ岡城スタンプ非常辛苦，因為大風雪，得零下四五度，趕快喺鶴岡駅搭巴士去荘内神社，個印就擺喺荘内神社社務所裏面，印完等回程巴士時發覺自己係結冰狀態。

2018.8.15 米沢城 (山形県) & 三春城 & 向羽黒山城 (福島県)

 

今日第一站係山形県米沢城，個スタンプ係上杉神社裏面，雖然城下町都有地方行，但時間唔多，可惜。

第二站係福島県三春城，到咗三春駅就趕快去三春町歴史民俗資料館蓋印。

最後一站係向羽黒山城，去到会津已經差唔多五點，搭巴士到達会津美里町。

好彩個スタンプ喺向羽黒山城跡整備資料室門口，無時間限制。

2018.8.12 岩木山観光りんご園 (青森県)

 

今日朝早出發去青森嘅岩木山観光りんご園摘蘋果。

任摘任食，每人只係500円，啲蘋果都好大個，非常抵。

唔到一個鐘已經食到好飽，喺鋪裏面逛下，夾啱時間就搭巴士返市中心。

2018.7.28 白石城 (宮城県)

 

朝早到達白石駅，沿路跟住指示行去白石城。

白石城公園唔算大，天守閣也好細，蓋完印就走喇。

2018.7.27 秋田城 & 脇本城 (秋田県)

 

朝早到達秋田駅，跟住搭巴士去史跡公園。

喺巴士站行去史跡公園大概五分鐘，秋田城スタンプ就擺喺「史跡公園管理棟」裏面。

蓋完印就喺公園行一陣，影幾張相就走喇。

今日嘅第二站係脇本城，由脇本駅行去「史跡脇本城跡案内所」要50分鐘。

脇本駅係無人駅，「脇本城跡案内所」亦都無人管理，四野無人，趁太陽未落山就速速回程。