由仙台搭JR去松島，約半小時就可到達呢處三景之一嘅名勝喇。
喺松島海岸駅出發，沿路都有唔同嘅景點，嚴瑞寺、五大堂、松島博物館、伊達政宗歷史館等等。
又可以搭船環島遊。
去到松島就梗係要「蠔」食，或者其他貝殼類海產BBQ。
蠔嘅食べ放題就最啱我，預備好工具，大約等十分鐘就食得。
食到咁上下會添加，抵！經過50分鐘，俾我哋食到一隻不留。
食完蠔去市場逛，大概三點幾又去食海膽丼，當日無乜遊客，又過咗食飯時間，簡直係包場。
離開之前見到呢個碑，311時海水淹浸嘅高度實在得人驚，無論任何地方，希望以後都唔好再有天災。
沒有留言:
張貼留言